Сүүлийн үед нэт гэдэг үгнээс залхах, зугатаах хоёрын хооронд болов.

Магад энэ ямар нэгэн зүйлийг илэрхийлсэн "шинж" гэж дүгнээд нэтийн тухай нэтээс ухлаа. “Интернэт донг эмчлэх” /Америкт төв нь байдаг/ төвийн судалгаагаар ИНТЕРНЭТ ДОН-г эмчилж болох бөгөөд энэ нь нэгэн төрлийн шинээр бий болж буй донтох зан үйл юм гэжээ.

1995 онд интернэт донг эмчлэх төв онлайнаас хамааралтай болсон хүмүүст туслах зорилгоор байгуулагджээ. Интернэтийг хэрэглэх хүний тоо өдрөөс өдөрт цаг тутамд нэмэгдэж байна.

Америкийн судлаач доктор Кимбэрли Ян хамгийн анхны судалгаагаа Америкийн сэтгэл судлаачдын нийгэмлэгийн хурал дээр хэлэлцүүлсэн бөгөөд Интернэт дон нь нь шинэ өвчлөл гэсэн санааг гаргажээ. Үүнээс хойш энэ өвчлөлийн тархалт нь маш олон улсыг хамарсан бөгөөд Итали, Пакистан, Иран, Герман, Чех зэрэг улсад хүчээ авчээ.  Бусад судалгааны ажилд дурдаснаар Хятад, Солонгос болон Тайваны хувьд нийгмийн эрүүл мэндийн ноцтой асуудал болоод байна.

Энэ өвчлөлийг DSM-Five ангилалд удахгүй оруулах юм байна. /Сэтгэцийн өвчний олон улсын ангилал тав./

Шинж тэмдэг

Доктор Кимбэрли Ян интернэт дон  танд байгаа эсэхийг оношлох оношилгооны асуулгыг боловсруулсан бөгөөд нилээд элбэг тохиолдох шинж тэмдэгүүдийг дурьджээ.

• Интернэтэд орохгүй байх гэсэн зан үйлээ хянах оролдлго бүтэлгүйтэх,

• Интэрнэтэд байх үед мэдэхүй өндөржүүлсэн байдалтай ажиллах,

• Гэр бүл болон найзуудаа үл ойшоох,
• Онлайнд байхдаа нойроо хайхрахаа болих,

• Бусдад сэтгэлгүй гаргахгүй байх,

• Онлайн зан үйлийн үр дүнд буруутай мэдрэмж, ичсэн, түгшүүртэй, дарамттай байдлыг мэдрэх,

• Биеийн хувьд жин нэмэх, хасагдах, нурууны өвчтэй болох, толгойн өвчин,  

• Өөрийн хувьд тааламжтай хийдэг байсан үйл ажиллагаанаасаа холдох,  

Банжигчид болон мэргэн ухаант блогчид сайн бичлэг, сайхан сэтгэгдэл  үлдээлдэг ч сэтгэцийн эрүүл мэнд талаасаа анхаарах болжээ. Банжигчидийн нэрнүүдийг бичих гэснээ болив. )

Харин өөрийгөө хамааралтай эсэхээ мэдэх хүсэлтэй * блогчид тусгай асуултанд хариулж* болно. 

Заримдаа бидний хийдэг ажил ОНЛАЙН болчихдог. Харахад нэг л их ажил хийсэн завгүй нөхөд. Гэтэл үр дүн нь ОНЛАЙН ДОН байхыг үгүйсгэх аргагүй.Тиймээс нөхдөө хийх цагтаа, бичих цагтаа байя ТЭГЭХ ҮҮ?

Гэхдээ энэ бол зөвхөн миний санал, юуг хэрхэн сонгох нь таны мэргэн сонголт буй.